پیاوێک لەسەر ڕووداوەکەی شاری نیس دەستگیر کرا
حازم جەعفەر/ باڵکێش
بە گومانی هەبوونی پەیوەندی لە ڕووداوەکەی شاری نیس لە فەڕەنسا، پیاوێکی تەمەن 47 ساڵ دەستگیر کرا.
ئەمڕۆ هەینی 2020/10/30، تەلەڤزیۆنی “بی ئێم فی” فەڕەنسی ڕایگەیاند، پیاوێکی تەمەن 47 دەستگیر کرا کە گومانی ئەوەی لێ دەکرێت پەیوەندی بە ڕووداوەکەی شاری “نیس”ەوە هەبێت، کە تێیدا کە تێیدا گەنجێکی تونسی، لە کلێسایەکدا ژنێکی سەربڕی و دوو کەسی دیکەیشی کوشت.
وەزیری ناوخۆی فەڕەنساش لە لێدوانێکدا پێشبینی هێرشی زیاتر دەکات بۆ سەر خاکی وڵاتەکەی و دەشڵێت “پێویستە شەڕ دژی ئیسلامی توندڕەو بکەین”.