بۆرییه‌كی غاز ته‌قییه‌وه و 5 ئه‌ندامی حه‌شدی شه‌عبی بریندارن
كاروان كه‌لاری/ باڵكێش
بەهۆى تەقینەوەى بۆرییەکى غازەوە لە نزیک یەکێک لە سەربازگەکانى حه‌شدی شه‌عبی لە پارێزگاى موسەنا، پێنج ئەندامى حەشد برینداربوون.
ئه‌مڕۆ شه‌ممه، 31ی ئۆكتۆبه‌ر، ده‌سته‌ی گشتی حه‌شدی شه‌عبی ڕاگه‌یه‌ندراوێكی بڵاوكرده‌وه و ڕایگه‌یاند، “سەرلەبەیانى ئەمڕۆ بۆرى گواستنەوەى غاز لەسەر ڕێگەى خێراى باکورى پارێزگاى موسەنا تەقیوەتەوە.”
ئاماژه‌ی به‌وه‌شكردووه، ،بەهۆى تەقینەوەى بۆرییەکەوە پێنج ئەندامى حەشدی شه‌عبی برینداربوون، کە ئەرکیان پاراستنى یەکێک لە بارەگاکانى لیواى 44ى حەشد بووە و زیانى ماددیش بە بارەگاکە کەوتووە.”
