نزیكەی ٢٠٠٠تووشبووی كۆرۆنا چاکبوونەتەوە-هەواڵ

وەزارەتی تەندروستیی حکومەتی هەرێمی کوردستان ئاماری رۆژانەی تایبەت بە ڤایرۆسی کۆرۆنای بڵاوکردەوە و رایگەیاند، 240 تووشبووی نوێ بە ڤایرۆسەکە تۆمارکراون و 14 تووشبووی دیکەیش گیانیان لەدەستداوە.

وەزارەتی تەندروستی لە راگەیێندراوەکەیدا ئاماژەی بەوە داوە، دوو هەزار و 232 پشکنین بۆ دەستنیشانکردنی تووشبووانی ڤایرۆسەکە کراون و ئەو 240 تووشبووە بە گوێرەی پارێزگا و ئیدارەکان بەم جۆرەن:

هەولێر: 70 تووشبوو

سلێمانی: 77 تووشبوو

دهۆک: سێ تووشبوو

هەڵەبجە: 14 تووشبوو

گەرمیان: 76

لە راگەیێندراوەکەدا ئاماژە بەوە دراوە، هەزار و 946 تووشبوو چاکبوونەتەوە کە بەم جۆرە بەسەر پارێزگا و ئیدارەکاندا دابەشبوون:

هەولێر: 75 کەس

سلێمانی: هەزار و 850 کەس (لە ماوەی دوو هەفتەی پێشوو تاوەکو ئەمڕۆ)

هەڵەبجە: هەشت کەس

گەرمیان: حەوت کەس

راپەڕین: شەش کەس

هاوکات وەزارەتی تەندروستی ئەوەیشی خستووەتەڕوو کە 14 تووشبووی دیکەی ڤایرۆسەکە گیانیان لەدەستداوە کە لەم شارانەن:

سلێمانی: نۆ تووشبوو

هەڵەبجە: دوو تووشبوو

گەرمیان: دوو تووشبوو

راپەڕین: تووشبوویەک

تاوەکو ئێستا لە هەرێمی کوردستان 18 هەزار و 649 کەس کەرەنتین کراون، پشکنین بۆ 162 هەزار و 291 کەس کراوە کە نۆ هەزار و 695 کەسیان تووشبوون، لەو ژمارەیەش پێنج هەزار و 324 تووشبوو چاکبوونەتەوە و 340 تووشبوویش گیانیان لەدەستداوە.