بەڕێوەبەری پۆلیسی چەمچەماڵ ڕایگەیاند، بەهۆی کێشەیەکەوە لە تەکیەی کاکە مەندی سەر بە قەزای چەمچەماڵ سێ کەس کوژراون و دوو کەسی تریش برینداربوون.
عەمید محەممەد عەبدی، بەڕێوەبەری پۆلیسی چەمچەماڵ بە تۆڕی میدیایی باڵکێشی ڕاگەیاند، رووداوەکە کاتژمێر 08:30 خولەکی ئەمشەو شەممە 05-09-2020 روویداوە.
بە وتەی بەڕێوەبەری پۆلیس: شەڕەکە لەنێوان دوو بنەماڵە روویداوە و پێشتر کێشەیان هەبووە. کەسێکیان ئەمڕۆ بە ئۆتۆمبێل تەرناشی لێداوە و بەهۆیەوە شەڕە تەقە لەنێوانیان دروستبووە و دواتر دوو کەس لە لایەکیان کوژراوە و کەسێکی تریش لە لایەنی دووەم کوژراوە و دوو کەسی تریش بریندارن.