ئەمڕۆ هەینی 31ـی کانوونی دووەمی 2025، کۆبوونەوەی شاندی باڵای هەردوو وەزارەتی دارایی عێراق و هەرێمی کوردستان دەست پێ کرد، کۆبوونەوەکە لەماڵی فوئاد حوسێن، سەرۆکی ئەنجوومەنی ئابووری عێراق ئەنجامدەدرێت و ئاوات شێخ جەناب و تەیف سامی ئامادەدەبن.
لە کۆبوونەوەکە سێ پرس یەکلایی دەکرێتەوە.
١- کۆی ئەو بڕە پارەی وەزارەتی دارایی هەرێم بۆ 12 مانگی ساڵی 2025 پێویستیتی بۆ مووچەی فەرمانبەران.
٢- جیاکردنەوەی لیستی خانەنشینی ئەو فەرمانبەرانەی ئەمساڵ لە تەمەنی 60 ساڵی خانەنشین دەبن، وەرگرتنی پاداشتی 12مانگی خانەنشینی.
٣- ئامادەکردنی تەرازوی پێداچوونەوەی مووچە مانگی 12 ساڵی ڕابردووە.
شەوی ڕابردوو شاندێکی وەزارەتی دارایی و ئابووریی حکوومەتی هەرێمی کوردستان، بە لیستی مووچەی مووچەخۆرانی هەرێمەوە بەرەو بەغدا بە ڕێ کەوت، بە ئامانجی چارەکردنی کێشەی مووچە و پرسی هەمواری یاسای بودجە.