بەهای زێر بەرزترینی تۆمار كرد و ژمارەی پێوانەیی شكاند، هەر ئۆنسەیەك 30 دۆلار بەرزبوونەوەی بەخۆیەوە بینی و نرخی یەك ئۆنسەی زێڕ گەیشتە دوو هەزار و 797 دۆلار.
بەرزبوونەوەی ئەمڕۆی نرخی زێر و گەیشتنی نرخی هەر ئۆنسەیەك بۆ دوو هەزار و 797 دۆلار بە شكانی تۆماری پێوانەیی مێژوویی دادەنرێت، بەوپێیەی دوا جار بۆ هەر ئۆنسەیەك زێڕ، دوو هەزار و 790 دۆلار تۆمار كرابوو.
بەپێی شیكردنەوە ئابوورییەكان، هۆكاری بەرزبوونەوەی نرخی زێڕ دەگەڕێتەوە بۆ تێكچوونی پێوەندییەكانی نێوان ئەمەریكا و كەنەدا لەلایەك و ئەمەریكا و مەكسیك لەلایەكی ترەوە.
نرخی فرۆشتنی مسقالی زێڕ ئێوارەی ئەمڕۆ پێنجشەم 30ی كانوونی دووەم بۆ هەر مسقالێك زێڕی عەیار 21 بریتییە لە 585 هەزار دینار و زێڕی عەیار 18یش بە 500 هەزار دینارە، هەرچی زێڕی عەیار 24ـە نرخەكەی 668 هەزار دینار بووە و عەیاری 22یش بە 612 هەزار دینار.
نرخەكانی دانراون، نرخی كاتی بڵاوكردنەوەی ئەم هەواڵەن و چاوەڕوان دەكرێت لەكاتی كردنەوەی بازاڕی زێڕەنگران نرخەكەی زیاتریش بەرز ببێتەوە، ئەگەر نرخی ئۆنسەی زێڕ وەك خۆی بە بەرزی مایەوە.