ئینتەر و مان یونایتد بۆ پێش کۆتایی
هەردوو یانەی ئینتەرمیلانی ئیتاڵی و مانچێستەر یونایتدی ئینگلیزی، توانیان خۆیان بگەیەننە قۆناغی پێش کۆتایی یۆرۆلیگ.
ئینتەرمیلان لە دەرەوەی یاریگەی خۆی توانی بە دوو گۆڵ بەرامبەر بە گۆڵێک لە یانەی لیڤەرکوزنی ئەڵمانی بباتەوە، گۆڵەکانیش لەلایەن یاریزانان بارێلا و لۆکاکۆوە تۆمارکران.
ئینتەر لە قۆناخی پێش کۆتایی رووبەڕووی براوەی یاریی نێوان بازلی سویسری و شاختاری ئۆکراینی دەبێتەوە، یارییەکەش لە رۆژی دووشەممەی داهاتوو دەکرێت.
لە یارییەکی دیکەدا یانەی مانچێستەر یونایتد بە زەحمەت بە گۆڵێکی بێ وەڵام لە یانەی کۆپنهاگنی بردەوە، گۆڵەکەش یاریزان برونۆ فێرناندێز بە لێدانی سزا تۆماری کرد.
لە قۆناخی پێش کۆتاییدا یانەی مانچێستەر یونایتد رووبەڕووی براوەی یاریی نێوان هەردوو یانەی سێڤییای ئیسپانی و وۆلڤەرهامپتۆنی ئینگلیزی دەبێتەوە کە ئەمشەو دەکرێت.