له دوێنێوه ده‌یان چه‌كداری په‌كه‌كه له سنووری قه‌زای شنگال خۆیان راده‌ستی هێزه‌كانی سوپای عێراق كردووه.
ماڵپەری (كوردستان24) لە زاری سەرچاوەیەکەوە بڵاوی کردەوە، له دوێنێوه زیاتر له 200 چه‌كداری په‌كه‌كه و ئه‌و هێزانه‌ی سه‌ر به په‌كه‌كه‌ن، له سنووری قه‌زای شنگال ریزه‌كانی په‌كه‌كه‌یان جێهێشتووه و خۆیان و چه‌كه‌كانیان راده‌ستی هێزه‌كانی سوپای عێراق كردووه.
بەپێی زانیارییەکان ئه‌وانه‌ی خۆیان راده‌ستكردووه، سه‌ر به هێزه‌كانی ئاسایشی ئێزیدخان و گرووپی یه‌كینه‌كانی به‌رخودانی شنگال (یه‌به‌شه)ـن.
نزیکەی دوو هەفتەیە شەڕ و پێکدادان لە نێوان سوپای عێراق و چەکدارانی پەکەکە لە سنووری قەزای شنگال چڕتر بووەتەوە لە پێشووتر و ژمارەیەک چەکداری پەکەکە و سەربازی عێراق لە ئەنجامدا کوژراون، هەروەها سەدان خێزانی ناوچەکەش بەو هۆیەوە ئاوارە بوونە.