سوپای ڕووسیا نزیکەی 30 کیلۆمەتر لە کیێڤی پایتەختی ئۆکرایناوە دوورە، سی ئێن ئێن ڕای گەیاند ڕۆژی هەینی بە ئاماژەدان بە سەرچاوە ئەمەریکاییەکان و میدیاکانی ئۆکراین راپۆرت دراوە کە هێرشی ڕووسییەکان لە فڕۆکەخانەی نێودەوڵەتی کیێڤ نزیك بۆتەوە.
هاوکات سایتە ڕۆژنامەوانییەکان بڵاویانکردەوە کە سوپای ئۆکراینا پردێکی تەقاندەوە بۆ ڕێگرتن لە پێشڕەوی تانکە ڕووسیەکان بەرەو کیێڤ و بە گوتەی سوپای ئۆکراینا پێکدادان لەگەڵ سوپای ڕووسیا بەرەو کیێڤ ڕوویدا و ئاماژەی بەوە کرد کە تانکە ڕووسییەکان بەرەو پایتەخت دەڕۆن.