حکومەتی هەرێم ساڵێک خزمەت بۆ پزیشکان زیاد دەکات – هەواڵ
وەزیری تەندروستی حکومەتی هەرێم ڕایگەیاند بە بڕیاری سەرۆکی حکومەت، هەموو ئەو پزیشک و کارمەندانەی لە ڕوبەڕونەوەی کۆرۆنادا کاردەکەن قیدەمێکیان پێ دەبەخشرێت.
د.سامان بەرزنجی وەزیری تەندروستی لە کۆنفرانسێکی رۆژنامەنوسیدا ئاشکرایکرد پێدانی (قیدەمێک) پێشخستنی ساڵێکی خزمەت هەموو ئەو پزیشک و کارمەندانە دەگرێتەوە کە لە نەخۆشخانەکانی کۆرۆنادا کاردەکەن.
وتیشی وەک وەزارەتی تەندروستی سوپاس و پێزانین ئاراستەی هەموو پزیشک و کارمەندانی تەندروستی دەکەین.
وەزیری تەندروستی ئاشکراشیکرد تا ئێستا زیاتر لە 350 پزیشک و کارمەندی تەندروستی توشی کۆرۆنا بوون.
د.سامان بەرزنجی ئاماژەی بەوەشکرد، بڕیاردراوە هەڵمەتێکی فروانی میدیای و رۆشنبیری لەلایەن وەزارەتی رۆشنبیری و فەرمانگەی میدیا و زانیاری لەسەر خۆپاراستن ئەنجامبدرێت.