كاروان كه‌لاری/ باڵكێش
وەزارەتی تەندروستی هه‌رێمی كوردستان ئاماری 24 كاتژمێری ڕابرادووی بڵاوكرده‌وه و ڕایده‌گه‌یه‌نێت: “793 هاوڵاتی تر لە هەرێمی كوردستان تووشی كۆرۆنا بوون.”
به‌پێی ئاماری 24 كاتژمێری ڕابردووی وه‌زاره‌تی ته‌ندروستی هه‌رێمی كوردستان، له‌ماوه‌ی 24 كاتژمێری ڕابردوودا 793 هاوڵاتی تری هه‌رێمی كوردستان تووشی كۆرۆنا بوون و 30 هاوڵاتی تریش به كۆرۆنا گیانیان له‌ده‌ستداوه.
ئه‌مه له‌كاتێكدایه، كه ئه‌مڕۆ به‌ڕێوه‌به‌ری ته‌ندروستی سلێمانی بانگه‌وازێكی به‌په‌له‌ی بڵاوكرده‌وه و داوای له هاوڵاتیان كرد خۆیان بپارێزن، چونكه ڤایرۆسه‌كه زۆر ته‌شه‌نه‌ی كردووه، هه‌ر ئه‌مڕۆ سێشه‌ممه، 6ی ئۆكتۆبه‌ر له گه‌رمیان، ڕۆژنامه‌نوسێكی دیار به كۆرۆنا گیانی له‌ده‌ستدا.