ژنە کۆچبەرێکی ئێرانی دەبێتە پێشەنگی ژنانی خاوەنکاری کەنەدا
شەهرەزاد رەفعەتی، ئەو ژنە خاوەنکارەیە کە توانیویەتی لە کەنەدا ببێتە پێشەنگی ژنانی خاوەنکار و کۆمپانیایەک بەڕێوە ببات کە بە ملیارێک دۆلار نرخەکەی خەمڵێنراوە.
ئەم ژنە خاوەنکارە، لە تەمەنی ١٧ ساڵییەوە ئێرانی بەجێهێشتوە و هاتووەتە کەنەدا و توانیویەتی لە بواری کاردا بەرەو پێشەوە بچێت، تا لە ساڵی (٢٠٠٥)ەوە بووە بە بەڕێوەبەری کۆمانیای “BBTV ” کە تایبەتە بە دەستکەوتنی پارە لە بڵاوکردنەوەی ڤیدیۆ لە تۆڕە کۆمەڵایەتییەکانی وەکو یوتیوب.
ئێستا ئەم ژنە تەمەن ٤٠ ساڵییە، کۆمپانیاکەی بەڕادەیەک بەناوبانگ بووە، کە کۆمپانیا گەورەکانی جیهان وەکو (سۆنی و دیزنی و وارنەر برۆس) بوون بە کڕیاریان و سەرمایەی کۆمپانیاکەش بە ملیارێک دۆلار دەخەمڵێنرێت.
ئەو لە بارەی پرۆژە و کارەوە دەڵێت: “گرنگە خاوەنکارەکان بتوانن بیر لە خەون و پرۆژەی گەورە بکەنەوە بۆ بەدییهێنانی”.