عێراق: 70 تووشبووی کۆرۆنا گیانیان لە دەستداوە
وەزارەتی تەندروستی عێراق ئاماری نوێی تووشبووانی ڤایرۆسی كۆرۆنای بڵاو كردەوەو.
بەگوێرەی ئامارێکی وەزارەتی تەندروستی عێراق 24 کاتژمێری رابردوودا زیاتر لەسێ هەزارو 970 تووشبووی نوێی ڤایرۆسەكە تۆماركراوە و 70 تووشبووش گیانیان لە دەستداوە.
بەپێی دوایین ئامارەکانی کۆرۆنا، كۆی گشتی تووشبووانی ڤایرۆسەکە لە سەرانسەری عێراق بە هەرێمی كوردستانیشەوە، گەیشتووەتە 201 هەزار و 50 كەس، هاوكات ژمارەی چاكبووانی ڤایرۆسەکە 143 هەزار و 393 كەسە، ھەروەھا ژمارەی گیانلەدەستدانیش گەیشتووەتە 6 هەزارو 535 تووشبوو.