به‌ڕێوه‌به‌رایه‌تیی هاتوچۆی هه‌ولێر ئاگاداری شۆفێران ده‌كاته‌وه كه به‌ستنی فلاشه‌ر بۆ ئۆتۆمبێل، جگه له ئۆتۆمبێله‌كانی سه‌ر به هێزه‌كانی ناوخۆ قه‌ده‌غه‌یه.
ئه‌مڕۆ یه‌كشه‌ممه 23ی 6ی 2024، به‌ڕێوه‌به‌رایه‌تیی هاتوچۆی هه‌ولێر ئاگادارییه‌كی بڵاو كرده‌وه و تێیدا هاتووه، ئاگاداری سەرجەم شوفێران دەکەینەوە کەوا بەستنی فلاشەر (نەشرە) قەدەغەیە بۆ هەموو ئۆتۆمبێلێکی تایبەت، یان ئۆتۆمبێله‌كانی هەر دامودەزگایەک، جگە لە ئۆتۆمبێلەکانی تایبەت بە پۆلیس و هێزەکانی ئاسایشی ناوخۆ.
ئه‌وه‌ش خراوه‌ته روو، بۆیە هەر شوفێرێک نەشرە بۆ ئۆتۆمێلەکەی ببەستێت ئەوا ئۆتۆمبێلەکەی دەستی بەسەر دادەگیرێت و دووچاری سزای یاسایی دەبێتەوە و هەروەها پێشانگاکانی جوانکاری ئۆتۆمبێلیش نابێت ئەو فلاشەرە بۆ هیچ ئۆتۆمبێلێک ببەستن لە پێچەوانەی ئەمە، ئەوانیش دووچاری لێپرسینەوە و ڕێکاری یاسایی دەبنه‌وه.