ئیسرائیل ژمارەی کوژراوانی بە دەستی حەماس ئاشکرا کرد
ناوەندی تەندروستیی فریاکەوتنی ئیسرائیل دەڵێت، لانیکەم 22 کەس بەهۆی هێرشەکەی حەماسەوە گیانیان لەدەستداوە.
نیوەڕۆی ئەمڕۆ شەممە، 7ـی تشرینی یەکەمی 2023، مێگن دەیڤید ئادۆم کە ناوەندی تەندروستیی فریاکەوتنی ئیسرائیلە، رایگەیاند، لە بەیانییەوە لانیکەم 22 کەس بەهۆی هێرشەکەی بزووتنەوەی حەماسەوە لە ئیسرائیل کوژراون.
ناوەندە تەندروستییەکە گوتیشی کە سەروو 70 کەسی دیکەش “بە سەختی” برینداربوون و چاوەوان دەکەن ژمارەی گیانلەدەستدان بەرزبێتەوە.