خەڵکی گوندی ئەبوعەلی لە نزیک کەرکووک تەقە لە دوو چەکداری داعش دەکەن و لە ئەنجامدا یەکێکیان دەکوژن و ئەوی تریشیان بریندار دەکەن.
عەلی حوسێنی، وتەبێژی میحوەری باکووری حەشدی شەعبی بە تۆڕی میدیایی باڵکێشی وت ” شەوی رابردوو دوو چەکداری داعش بە ماتۆڕێک چوونەتە سەر گوندی ئەبوعەلی لە نزیک فڕۆکەخانەی کەرکووک، بەڵام خەڵکی گوندەکە قبووڵیان نەکردووە، تەقەیان لێکردوون و لە ئەنجامدا یەکێک لە چەکدارەکانیان کوشتووە و ئەوی تریشیان بریندارکردووە.