بارسێلۆنا لیستی ناوی یاریزانەکانی بڵاو کردەوە

کیکی سیتیێن، راهێنەری یانەی بارسێلۆنای ئیسپانیا لیستی ناوی ئەو یاریزانانەی بڵاوکردەوە کە بۆ یارییەکەی بەرامبەر بایرن میونشنی ئەڵمانی، بانگهێشت کراون.

ماڵپەری فەرمی یانەی بارسێلۆنا ئیسپانی ئەو لیستەی بڵاوکردووەتەوە کە لە لایەن “کیکی سیتێن”ـی راهێنەری یانەکەیان بۆ یاری داهاتوو دەستنیشانکراون.

لەو لیستەدا ناوی 26 یاریزانی یانەکە هەیە و بەهۆی پێکانەوە ئۆسمان دیمبلی هێرشبەر و ساموئێل ئۆمتیتی بەرگریکار بانگهێشت نەکراون.

یاریزانانی یانە ئیسپانییەکە ئەمڕۆ کۆتا مەشقی ئامادەکارییان بۆ یاریی هەینی داهاتوو بەرامبەر بایرن میونشن ـی ئەڵمانی لە قۆناخی چارەکی کۆتایی چامپیۆنزلیگ ئەنجامدا و وا بڕیارە سبەی پێنج شەممە 2020/8/13 بەرەو لیسبۆنای پۆرتوگاڵ گەشت بکەن.