بەڕێوبەرایەتی پۆلیسی هەولێر رایدەگەیەنێت، کە دوو تۆمەتباریان دەستگیرکردووە کە وایەرمەنن و عەقڵی ئۆتۆمبێلی مێرسیدس و کەلوپەلی دیکەیان لە ئۆتۆمبێلە گرانبەهاکان دزیوە.
ئەمڕۆ شەممە 2023/3/11 بەڕێوبەرایەتی پۆلیسی هەولێر رایگەیاند “دوو تۆمەتبارمان دەستگیرکردووە کە کاریان وایەرمەنی بووە و عەقڵی ئۆتۆمبێلی مێرسیدس و کەلوپەلی دیکەی ئۆتۆمبێلیان دزیوە، بەهای هەریەکە لە کەلوپەلەکان لەنێوان 1500 بۆ 2000 دۆلاری ئەمەریکیدا بووە “.
پۆلیسی هەولێر راشیگەیاند “تاوانەکانیان لە گەڕەکەکانی سەربەست سیتی نیشتیمان و راستی و رێگای قوشتەپە و عەینکاوە و گوندی قەرەتاغ ئەنجامداوە و لەکاتی دەستگیرکردنیان ئەو کەرەستانەیان پێگیراوە لە شوێنی مانەوەکەیان کە لە هۆتێلێکی شاری هەولێر بووە، ئەم دوو تۆمەتبارە لە ئێستەدا پەڕاوی لێکۆڵینەوەیان لەلایەن دادوەرەوە بۆ کراوەتەوە “.