به‌بۆنه‌ی هه‌ڵبژاردنی وه‌ك سه‌رۆكوه‌زیران مه‌سرور بارزانی سه‌رۆكی حكومه‌تی هه‌رێمی كوردستان، پیرۆزبایی له ریشی سوناك ده‌كات.
ئه‌مڕۆ سێشه‌ممه 25-10-2022 مه‌سرور بارزانی، سه‌رۆكی حكومه‌تی هه‌رێمی كوردستان پیرۆزبایی ئاراسته‌ی ریشی سوناك كرد.
له تویتێکدا، مەسرور بارزانی، جه‌ختی له‌سه‌ر كاركردنی هاوبه‌ش له‌گه‌ڵ سه‌رۆكوه‌زیرانی نوێی به‌ریتانیا كردووه‌ته‌وه بۆ هه‌ماهه‌نگی و پته‌وكردنی زیاتری په‌یوه‌ندی دۆستانه‌ی نێوان هه‌رێمی كوردستان و به‌ریتانیا.
ئه‌مڕۆ سێشه‌ممه 25-10-2022 ریشی سوناک وه‌ك سه‌رۆكوه‌زیرانی نوێی به‌ریتانیا ده‌ستنیشانكرا، پاش ئه‌وه‌ی دوێنێ دووشه‌ممه به ده‌نگی 187 ئه‌ندامی پارتی پارێزگارانی به‌ریتانیا به سه‌رۆكی پارته‌كه هه‌ڵبژێردرا.