وەزارتی کشتوکاڵ و سەرچاوەکانی ئاو-ی حکومەتی ھەرێمی کوردستان رایگەیاند، تیمێکی وەزارەتمان بروانامەی زانکۆی نێودەوڵەتی واخنینگی بەدەستهێنا لەووڵاتی هۆڵەندا
لە چوارچێوەی بانگهێشتێکی فەرمی حکومەتی هۆڵەندا ،
بەهەماهەنگی پارێزگای سلێمانی و بەڕێوەبەرایەتی گشتی کشتوکاڵی سلێمانی و بەسپۆنسەری رێکخراوی کۆچی نێودەوڵەتی IOM ،لە لایەن زانکۆی واخنی نێودەوڵەتی خولێکی گەشەپێدانی سێکتەری کشتوکاڵی بە بەشداری بەشە جیاجیاکانی کەرتی کشتوکاڵ لە ب. گشتی کشتوکاڵی سلێمانی و تیمێکی پسپۆری بەسەرپەرشتی ڕاوێژکاری وەزارەتی کشتوکاڵ و سەرچاوەکانی ئاوی حکومەتی هەرێمی کوردستان (رزگار حمد خدر) کردووە ،لە ماوەی 2022/7/4 تاوەکو 2022/7/16،کە بریتیبوو لە پڕۆگرامێکی ڕاهێنان و چەندین چاڵاکی و بەسەرکردنەوەی مەیدانی، زانکۆی واخن یەکەمین زانکۆیە لەسەر ئاستی زانکۆ ئاست بەرزەکانی جیهان لە بواری پەرەپێدانی سێکتەری کشتوکاڵ و ئاسایشی خۆراک و ئاو .
ئەم خولە لەچوارچێوەی هەوڵەکانی گەیشتن بە ئاسایشی خۆراک و دامەزراندنی کێڵگەی نمونەیی ،کە لەگەڵ گۆڕانکاری و کەش و هەوا بگونجێت ،بەتایبەتی لە بواری زانستی زەوی خاک و خۆل ،وە هەروەها گلدانەوەی ئاو و باراناو ،وە لەلایەکی ترەوە دروستکردنی کێڵگەی کشتوکاڵی هەمەچەشنه ،وە پێشکەوتنی بواری تاقیگەیی بۆ ئەوەی بتوانرێ لە بواری تاقیگە و پشکنین و بەرهەمه کشتوکاڵیەکاندا تاقیگەی پێشکەوتوو دابمەزرێت .
بەسوپاسەوە زانکۆی ناوبراو ئامادەیی خۆی دەربڕی بۆ هەماهەنگی لەگەڵ حکومەتی هەرێم و وەزارەتی کشتوکاڵ و سەرچاوەکانی ئاو، بە مەبەستی پێشخستنی کەرتی کشتوکاڵ و کەمکردنەوەی کاریگەرییە نەرێنیەکانی سەر کەرتی کشتوکاڵ و ئاو لەهەرێمی کوردستان.
لەکۆتایی لە مەراسیمێکی شایستەی رێکخراودا لەلایەن زانکۆی واخنینگ بڕوانامەی بەشداریکردن و بڕوانامەی بالای زانکۆکە بەخشرایە تیمی بەشداربووان.