ژووری ئۆپراسیۆنی پارێزگای هه‌ولێر ڕاگەیەنراوێكی بڵاو كردەوە
ژووری ئۆپراسیۆنی پارێزگای هه‌ولێر، رایگه‌یاند، له رۆژانی جه‌ژندا ژماره‌یه‌ك شوێن به داخراوی ده‌مێننه‌وه و داواشی له مامۆستایانی ئاینی كرد، مه‌راسیمی نوێژی جه‌ژن ئه‌نجام نه‌ده‌ن، بۆ ئەوەی خەڵك توشی ڤایرۆسی كۆڕۆنا نەبێت.
لە ڕاگەیەنراوەكەدا باس لە چەند خاڵكراوە
یه‌كه‌م: جێبه‌جێكردنی به‌یانی ژماره (44)ی وه‌زاره‌تی ناوخۆ. هه‌روه‌ها جه‌ختكردنه‌وه له سه‌ر خۆپارێزی تاك و درووستنه‌بوونی به‌ریه‌ك كه‌وتن.
دووه‌م: داواكارین مامۆستایانی ئاینی له پێناو به‌رژه‌وه‌ندی گشتیی مه‌راسیمی نوێژی جه‌ژن ئه‌نجام نه‌ده‌ن.
سێیه‌م: ژماره‌یه‌ك بۆنه رێگه‌پێدراو نین له‌وانه: “مەراسیمی سەرقەبران، دانانی پرسە لە (هۆڵ، ماڵ، لە ژێر خێوەت) لەگەڕەك و شوێنە گشتییەکان”، هه‌روه‌ها ئه‌م شوێنانه‌ش به داخراوی ده‌مێننه‌وه: “هۆڵه‌كانی ئاهه‌نگ گێڕان، هۆڵه‌كانی بووك گواستنه‌وه، یانه‌ی شه‌وانه، نێرگه‌له‌كێشان، هۆڵ و سه‌نته‌ره‌كانی له‌شجوانی، هۆڵه‌كانی وه‌رزشی، مه‌له‌وانگه، ئاهه‌نگی شه‌وانه، یانه‌كانی مه‌ی خواردنه‌وه (باڕ)، گه‌رماو و سه‌نته‌ره‌كانی مه‌ساج”.