دوای داڕشتنەوەی نەخشەی نوێ، زەوییەکانی قەرەبووی گوندی کۆری لە لایەن سەرۆکایەتیی شارەوانیی هەولێر رادەستی خاوەنەکانیان کران.
عەبدولواحید ئەحمەد، سەرۆکی شارەوانی هەولێر رایگه‌یاند، ئەمڕۆ نەخشەی تازەی زەوییەکانی قەرەبووی گوندی کۆری رادەستی خاوەنەکانیان دەکرێت، دوای ئەوەی لە سەرنجدان تەواو دەبن، چەسپاندنی بۆ دەکرێت و رێگە بە خاوەن زەوییەکان دەدەین داوای رێپێدانی خانوو دروستکردن بکەن.
راشیگەیاند، ماوەی 14 رۆژ دیارکراوە، ئەگەر هەر گرفتێک هەبێت، خاوەن زەوییەکان دەتوانن سکاڵاکانیان بدەنە لیژنەی پەیوەندیدار، بۆ ئەوەی گرفتەکان چارەسەر بکرێن.