دەقی پەیامەکە
بەناوی خودای بەخشندە و میهرەبان
بەڕێز مامۆستا سەلاحەددین بەهائەدین ئەمینداری گشتیی یەكگرتووی ئیسلامیی كوردستان
بەبۆنەی بیست و هەشتەمین ساڵیادی ڕاگەیاندنی یەكگرتووی ئیسلامیی كوردستان گەرمترین پیرۆزبایی خۆم ئاراستەی ئێوەی بەڕێز و سەركردایەتی و سەرجەم كادیر و ئەندام و لایەنگرانی یەكگرتووی ئیسلامیی كوردستان دەكەم و هیوای سەركەوتن و بەردەوامیتان بۆ دەخوازم.
بە پێزانینەوە یەكگرتووی ئیسلامیی كوردستان بە درێژایی تەمەنی سیاسیی خۆی خاوەنی هەڵوێستی میانڕەو و بەرپرسانە بووە و لە زۆر وێستگەدا یارمەتیدەری تەبایی سیاسیی بووە. هیوادارم لە سایەی فرەیی و پڕۆسەی دیموكراسیی كوردستاندا برایەتی و تەبایی نێوان لایەنە سیاسییەكان قووڵتر ببێت و هەموو لایەك لە خزمەت بەرژەوەندیی باڵاكانی گەلەكەماندا بین.
مسعود بارزانی
5ی شوباتی 2022