کاروان عارف، بەڕێوەبەری ناحیەی دارەتوو ڕایگەیاند، لەسەر راسپاردەی ناوەندی هاوبەشی هامائاهەنگیی قەیرانەکان، بە هاوئاهەنگی لەگەڵ پارێزگای هەولێر دەستمان کردووە بە گواستنەوەی ئەو خێزانانەی هەینی رابردوو ماڵەکانیان بەر لافاو کەوتن”.
وتیشی: تاوەکو ئێستا 12 خێزان کە لە 59 کەس پێکدێن گواستراونەتەوە چەند هۆتێلێک لە نێو شاری هەولێر و “هەر خێزانێک دەیەوێت ماڵەکەی چۆڵ بکات، ئامادەین بیان گوازینەوە”
بەڕێوبەری ناحیەی دارەتوو داوا لە دانیشتووانی ناحیەکە دەکا هۆشیار بن و نەخەون، چونکە تاوەکو کاتژمێر دووی شەویش مەترسیی روودانی لافاو هەیە، داواش دەکەم ئەوانەی خانووەکانیان دوو نهۆمە، لە نهۆمی دووەمی خانووەکانیان بخەون.