بەڕێوەبەرایەتی گشتیی نەهێشتنی ماددەهۆشبەرەکان ڕایگه‌یاند، لەناو شاری هەولێر ده‌ستیان به‌سه‌ر هه‌شت هه‌زار و 500 دۆلاری ساخته و بڕێك مادده‌ی هۆشبه‌ردا گرتووه.
ئه‌مڕۆ سێشه‌ممه 7/12/2021، بەڕێوەبەرایەتی گشتیی نەهێشتنی ماددەهۆشبەرەکان، له ڕاگه‌یاندراوێكدا ئاماژه‌ی به‌وه كردووه، له‌لایه‌ن كارمه‌ندان و ئه‌فسه‌رانی سه‌ر به به‌ڕێوه‌به‌رایه‌تییه‌كه‌یانه‌وه، توانراوه دەست بگیرێت بەسەر بڕی هه‌شت هه‌زار و 500 دۆلاری ساخته و 18 گرام كریستیاڵ و چوار گرام هێرۆین و 5 دانه حه‌بی تڕامادۆڵ و چوار پایپی به‌كارهێنانی مادده‌ی هۆشبه‌ر.