زانکۆی ئۆکسفۆردی بەریتانی رایگەیاند: ڤاکسینی دژە کۆرۆنای دروستکردووە و لە چەند مانگی داهاتوودا کاری لەسەر دەکرێت. بەشی دۆزینەوەی ڤاکسینی دژە کۆرۆنا لە زانکۆی ئۆکسفۆرد رایانگەیاند: ئەنجامەکانی ڤاکسینەکەمان تائێستا ئەرێنی بووە و حکومەتی بەریتانیاش داوای دروستکردنی 100 ملیۆن ڤاکسینی کردووە.
ئاماژەیان بەوەشکردووە، ڤاکسینەکە لە 1077 کەس دراوە و دەرکەوتووە، خوێنی سەرجەمیان بەهۆی ڤاکسینەکەوە دژە تەن و خڕۆکەی سپی دروستکردووە، ڤاکسینەکە کاریگەری ئەرێنی لەسەر سیستەمی بەرگری مرۆڤەکان دەبێت و بەهێزی دەکات، دەتوانێت بەرگری 100% دروستبکات.