شا سەلمان ڕەوانەی نەخۆشخانە كرا
كەمێك پێش ئێستا، شا سەلمان بن عەبدولعەزیز، پاشادی سعودیە، بە هۆی نەخۆشییەوە ڕەوانەی نەخۆشخانەی ڕیازی پایتەختی سعودیە كراو بە پێی زانیاریەكانیش تەندروستی جێگیر نییە.
ئیسرائیل 24 لە بارەی نەخۆشیەكەی شا سەلمانەوە نوسیویەتی: ئەمرۆ شا سەلمان بن عەبدولعەزیز پادشایی سعودیە بەپەلە رەوانەی نەخۆشخانەی ریاز كراوە و لە ژێر چاودێریی وردیی تەندروستیدایە.
شا سەلمان، پادشایی سعودیە لە تەمەنی 84 ساڵیدایە و لەماوەی ڕابردووشدا بەهۆیی نەخۆشییەوە و هەروەها بەهۆی خراپی باریی تەندروستییەوە ڕەوانەی نەخۆشخانە كراوە و بەپێی زانیاریەكان شا سەلمان ئێستا لە دۆخێكی خراپی تەندروستیدایە.
ئەوە لەكاتێكدایە وا بڕیاربوو ئەمرۆ مستەفا كازمیی سەرۆك وەزیرای نوێی عێراق سەردانی سعودییە بكات بەڵام بە هۆی نەخۆشی شا سەلمانەوە سەردانەكەی بۆ كاتێكی نادیار هەڵوەشاندەوە.