وەزارەتی دارایی و ئابووری حکومەتی هەرێمی کوردستان ڕایگەیاند، وەزیری دارایی مووچەی زیاتر لە 10 هەزار مووچەخۆری نا یاسایی بڕیوە.
وەزارەتی دارایی و ئابووری هەرێمی کوردستان لە ڕاگەیەنراوێکدا دەڵێ: پاڵپشت بە یاسای چاكسازی ژمارە (2) ساڵی (2020) و پەیڕەوی جێبەجێكردنی یاسای چاكسازی لە مووچە و دەرماڵە و ئیمتیازاتەكان و خانەنشینی لە هەرێمی كوردستان بڕیاردرا بە:
- ڕاگرتنی مووچە و خانەنشینی (10609) مووچە خۆر كە لە سیستەمی بایۆمەتری دووجار یان زیاتر تۆماركراوە وەك لە خشتەی خوارەوە هاتووە كە ژمارەیان (21588) دۆسیەیە بە نایاسایی مووچە وەردەگرن.
- هەر مووچەخۆرێك لەم بڕیارە زەرەرمەندبێت دەتوانێت لە ماوەیەكی دیاریكراودا لەڕێگەی لایەنی پەیوەندیدار یان فەرمانگەكەی تانە لە بڕیارەكە بدات.
