قوباد تاڵەبانی، جێگری سەرۆکوەزیرانی هەرێمی کوردستان گەیشتە پەرلەمانی عێراق و روونکردنەوە دەداتە پەرلەمانتاران.
لەسەر داوای محەممەد حەلبووسی، سەرۆکی پەرلەمانی عێراق کاتژمێر 04:00ی ئێوارەی ئەمڕۆ قوباد تاڵەبانی، جێگری سەرۆکوەزیرانی هەرێمی کوردستان گەیشتە پەرلەمانی عێراق.
لە رۆژی چوارشەممەی رابردوو 2020/12/09ـەوە شاندی حکومەتی هەرێمی کوردستان بە سەرۆکایەتیی قوباد تاڵەبانی لە بەغدان و زنجیرەیەک دیدار و کۆبوونەوەیان لەگەڵ بەرپرسانی حکومەتی عێراق و لایەنە سیاسییەکان لەبارەی یاسای قەرز و پشکی هەرێمی کوردستان لە پرۆژە یاسای 2021ـدا سازداوە.