نرخی تمەن گەیشتە نزمترین ئاست

نرخی تمەنی ئێرانی رۆژ بە رۆژ دادەبەزێت و ئەمڕۆش نرخی 1 دۆلاری ئەمریکی بە 25 هەزار تمەن مامەڵەی پێوە کرا.

بەرپرسان و ئابووریناسانی ئێران هۆکاری دابەزینی نرخی تمەن بۆ گەمارۆکانی ئەمریکا و گەمارۆ نێودەوڵەتییەکان و بڵاوبوونەوەی کۆرۆنا دەگەڕێننەوە.

 ئەمڕۆ شەممە نرخی تمەن زیاتر دابەزی و لە بازاڕی ئاڵوگۆڕی دراو لە تاران، یەک دۆلاری ئەمریکی سەرووی 25 هەزار تمەن بوو، هەروەها نرخی لیرەی زێڕیش گەیشتە 11 ملیۆن و 200 هەزار تمەن .