ئەمڕۆ چوارشەممە 11-11-2020، لەبەردەم نەخۆشخانەی پێشمەرگە لە هەولێر هاوکارییەکانی رێکخراوی خێرخوازیی رێگەی پێشکەوتنی ئەمریکی لە هەرێمی کوردستان بەسەر کەسوکاری شەهیدانی شەڕی دژ بە داعش دابەشکران، بەڵام کەسوکاری شەهیدان هاوکارییەکانیان رەتکردەوە و سووتاندیانن.
زیاتر لە 250 خێزان لە مێرگەسۆر، سۆران و کەرکووک بانگکرابوون بۆ وەرگرتنی هاوکارییەکان کە پێکهاتبوو لە “نەعل، جلوبەرگ و هەندێک پێداویستیی تری سەرەتایی”، ئەوانیش ئەوەیان بە سووکایەتی لێکدایەوە و هەموویان سووتاند.