زەلالکرنەک لسەر وی وڵاتیێ ب نارنجوکێ ئێرشی دادگەها زاخۆ کری
د زەلالکرنەکێ دا سەرۆکایەتیا دادگەها تێهەلچوونا یا ناڤچەیا دهۆکێ راگەهاندیە ئەو کەسێ ئێرشی سەر دادگەها زاخۆ کری وگەف ل هند کەسان کربوون، ل دیف مادێ ٤٣١ یێ یاسایا سزادانێ هاتیە داخوازکرن.
د زەڵالکرنێ دە ئاماژە ب وێ یەکێ هاتیەکرن، ل گوری زەلالکرنا دادوەرێ بارێ کەسی ل زاخۆ دیاربوویە کو ئەڤ جارا دوویێیە وی هاوڵاتی کەیسەکا جودابوونێ دگەل هەڤژینا خۆە هەیە، پشتی ڤەکۆلینێن دادگەهێ، دادگەهـ گەهشتە وی ئەنجامی دڤێت ژێک جودابن، ژبەرکو وی کەسی گەلەک زیان گەهاندینە خێزانا خۆە ب چ شێوەیەکی نەشێت دگەلدا بژیت.
ئاماژە ب وێ یەکی ژی دایە دەمێ دادوەری داخواز ل وی وڵاتی کری کو ئیمزایێ لسەر کۆنڤیسێ دادگەهێ دەربارێ جودابوونێ بکەت،وی ئەڤ یەک رەدکرییە.
بەریا دوو ڕۆژان هاوڵاتیەکێ زاخۆ هەوڵدا بڕێیا نارنجوکان ئێرشی دادگەها زاخۆ بکەت و پشترە ژی د تورێن جڤاکی دە ڤیدیۆیەک بەلاڤکر و گەف ل دادوەرێ لێکۆلینێ و چەند کەسەکێن دی کرن.