د یازدە هەیڤێن ئیساڵدە زێدەتر ژ ١٥٠٠ سکاڵا ژلایێ ژن و کچان ڤە ل سنورێ پارێزگەها دهۆکێ هاتنە تۆماکرن.
ل گوری ئامارێن رێڤەبەریا گشتیا بەرهەنگاربوونا توندتیژیا دژی ژنان و خێزانان ل هەرێما کوردستانێ د ئیسالدە ل سنورێ پارێزگەها دهۆکێ ١٥٦٨ سکالا ل رێڤەبەرایەتیا روبروبوونا توندوتیژیا دژی ژنان یا دهۆکێ هاتنە تۆمارکرن.
ڕێڤەبەرایەتیا توندوتیژیا دژی ژنان ل دهۆکێ ئاماژە ب وێ یەکێ دکەت کو ئەڤ سکالایە جورب جوربوونە وەکی دەست درێژیا سێکسی و لێدوان و ئەشکەنجەدان و خراپ بکارئینانا ئامێرێن موبایلێ وچەند ئاریشەیێن دی، ب ئاوایەکی ٣ ژن هاتنە کوشتن و ١٢ ژنان ژی ب سەدەمێن جودا جودا خۆ کوشتنە و ١٧ حالەتێن دەست درێژیا سێکسی ژی لسەر ژن و کچان هاتنە تۆمارکرن.
توندوتیژیا دهۆکێ دبێژیت بەشەک ژوان ئاریشەیان بەریا بگەهن دادگەهێ هاتنە چارەسەرکرن و بەشەکا دن ژی بڕێیا دادگەهێ هاتنە یەکئالیکر.
ل ڕێڤەبەرایەتیا روبروبوونا توندوتیژیا دژی ژنان ل دهۆکێ، سەنتەرەکێ تایبەت ب هوشیارکرنا کچ وژنان هەیە ڤەکولەرێن دەروونی و جڤاکی تێدا ئەندامن و ڕۆژانە دگەل وان کچ و ژناندا دئاخڤن کو توشی ئاریشەیێن جڤاکی دبن