کۆمپانیاکانی فایزەری ئەمریکی و بایۆ ئێن تێکی ئەڵمانی سەرکەوتنیان لە تاقیکردنەوەی ڤاکسینی دژە کۆرۆنا ڕاگەیاند و هەفتەی داهاتوو داوای مۆڵەتی ڕەسمی لە ئیدارەی خۆراک و دەرمانی ئەمریکا دەکەن.
بەپێی پێشبینی ئەو دوو کۆمپانیایەش تا کۆتایی ساڵی 2020 نزیکەی 50 ملیۆن ڤاکسین لە ناو ئەمریکا دابەش دەکەن و ساڵی داهاتووش 1 ملیار و 300 ملیۆن ژەمە ڤاکسین دروست دەکەن.
دوای ڕاگەیاندنی سەرکەوتنی ڤاکسینەکە، نرخی نەوت ٪٩ بەرزبووەوە، کۆمپانیاکانی بواری نەوت پێیان وایە بەردەستبوونی ڤاکسین دەرفەتێکی نوێی ئابووری لە سالانی داهاتوودا دروست دەکات.
نرخی نەوتی برێنت بەرێژەی ٪٨.٧ بەرزبوویەوە و نرخی هەر بەرمیلێک گەیشتە ٤٢ دۆلار و ٨٨ سەنت.