رۆدریگۆی هەرزەكار ناوی چووە مێژووی چامپیونزلیگ
مەسعود حەسەن/باڵکێش
دوێنێ شەو لە یاری لوتكەی گەڕی سێیەمی چامپیونز لیگ یانەی ریال مەدرید بە ئەنجامی سێ گۆڵ بەرانبەر دوو گۆڵ لە یانەی ئینتەر میلانی بردەوە، پاڵەوانی یاریەكەیش رۆدریگۆی بەرازیلی بوو.
رۆدریگۆ لەگەڵ ڤینیسیۆسی هاونیشتمانی تایمی دووەم هاتە نێو یاریگە و توانی سەر ئێشە بۆ بەرگریكارانی ئینتەر میلان درووست بكات، ناوبراو لە خولەكی 80 توانی گۆڵی سێیەم و بردنەوە بۆ یانەی ریال مەدرید تۆمار بكات و یەكەم سەركەوتن لەم وەرزی چامپیونزلیگ پێشكەشی یانەكەی بكات.
بە گوێرەی پێگەی ئۆپتای تایبەت بە ئامار و داتای تۆپی پێ، رۆدریگۆ بووە یەكەم یاریزان لە دایك بووی سەدەی بیست و یەكەم بێت و 5 گۆڵ لە چامپیونز لیگ تۆمار بكات.