توخیل باسی پێكانی نێیمار دەكات
مەسعود حەسەن/باڵکێش
تۆماس توخیل راهێنەری یانەی پاریس سان جێرمان ئاشكرا كرد، نێیمار لە چەند یارییەكی یانەكەمان دادەبڕێت بەهۆی ئەوەی دوێنێ شەو لە یاری بەرانبەر یانەی باشاك شەهیر دووچاری پێكان بوو یارییەكەی تەواو نەكرد.
توخیل زیاتر گووتی:” پێویستی دەكرد لە یارییەكە بێتە دەرەوە، چونكە ئاسوودە نەبوو، هەستی بە ئازار دەكرد، پێكانەكەی قورس نیە، بەلام دەبێ چاوەڕێی پشكنین بكەین.
گووتیشی:” پێكانەكەی لە ماسولكەی ڕانی دایە و هیودارام ماوەیەكی زۆر دانەبڕێت.
یانەی پاریس سان جێرمان دوێنێ لە چامپیونز لیگ لە دەرەوەی یاریگەی خۆی بووە میوانی یانەی ئیستەنبوڵ باشاك شەهیری توركی و یارییەكەی بەدوو گۆڵی بێوەلام بردەوە، هەردوو گۆڵەكەیش مویس كین تۆماری كرد، لە خولەكی 26ی تایمی یەكەم نێیمار بەهۆی پێكانەوە یارییەكەی بەجێهێشت و لە شوێنی ئەو سارابیا هاتە نێو یاریگە.