بەهۆی ئاڵۆزییەکانی ئەم دواییەی ناوچەکە و مەترسییەکانی هەڵگیرسانی جەنگ، وڵاتێک گەشتە ئاسمانییەکانی بۆ ئێران هەڵوەشاندەوە و سێ وڵاتی دیکەش هۆشداریی خێرا بە هاووڵاتیانیان دەدەن.
دوایین گۆڕانکارییەکان و بڕیاری وڵاتان:
تورکیا: فڕۆکەخانەی نێودەوڵەتی ئیستەنبووڵ و ئەنقەرە بە فەرمی بڕیاری دا سەرجەم گەشتەکانی ئەمشەو بۆ تاران هەڵوەشێنێتەوە.
ئیتاڵیا: وەزارەتی دەرەوەی ئەو وڵاتە هۆشدارییەکی توندی بڵاوکردەوە و داوای لە هاووڵاتیانی کردووە بە زووترین کات ئێرانجێبهێڵن، جەختیشی کردووەتەوە بەهیچ شێوەیەک گەشت بۆ ناوچەکە نەکەن چونکە دۆخەکە بە تەواوی مەترسیدارە.
بەریتانیا: لە هەنگاوێکی دیپلۆماتیدا کە نیشانەی تێکچوونی دۆخەکەیە، بەشێکی کارمەندانی باڵیۆزخانەی بەریتانیا لە تارانکشانەوە.
فەرەنسا: ڕێنمایی تایبەتی بۆ هاووڵاتیانی لە ئیسرائیل، قودس و کەرتی ڕۆژئاوا دەرکردووە و داوای لێکردوون لە پەناگەکان بدۆزنەوە.
ڕاگرتنی گەشتەکان و هۆشداریی وڵاتانی ئەوروپا، هاوکاتە لەگەڵ بەرزبوونەوەی گرژییە سەربازییەکان لە ڕۆژهەڵاتی ناوەڕاست و پێشبینی دەکرێت گۆڕانکاری زیاتریش لە ناوچەکە ڕوو بدات.