ئیسڕائیل و لوبنان لەسەر سنووری ئاوی نێوانیان ڕێکدەکەون

دیار عادل/ باڵکێش

ئەمرۆ چوارشەمە 14/10/2020 یەكەم دانوساندن بۆ رێكەوتنی سنووری ئاوی نێوان ئیسرائیل و لوبنان بە سەرپەرشتی نەتەوە یەکگرتووەکان دەستی پێکرد.

بەیانی ئەمڕۆ لە بارەگای کاتی هێزی نەتەوە یەکگرتووەکان “یونێفێڵ” لە ناوچەی ناقوڕە باشوری لوبنان هەردوو وەفدی ئیسڕائیل و لوبنان بە سەرپەرشتی نەتەوە یەکگرتووەکان و بە ئامادەبوونی ( دەیڤید شێنکر ) یاریدەدەری وەزیری دەرەوەی ئەمریکا بۆ کاروباری ڕۆژهەڵاتی ناوەڕاست، دانوساندن بۆ دیاریکردنی سنوری ئاوی نێوان هەردوو وڵات کۆبوونەوە.

هەریەك لە وڵاتانی ئیسرائیل و لوبنان لە سەرەتای مانگەكانی ئۆكتۆبەر و تشرینی یەكەمی ئەمساڵ ڕایانگەیاندووە، گەیشتن بە رێكەوتن لەبارەی پرسی سنورە ئاوییەكان بە سەرپەرشتی نەتەوە یەكگرتووەكان هەنگاوێكی مێژووییە لە نێوان هەردوو وڵات.

گرژییەکانی نێوان نێوان ئیسڕائیل و لوبنان لەسەر ناوچەی ئاوی دەریای ناوەڕاست، کە ناسراو بە ناوچەی ژمارە نۆ ڕوبەرەکەی 860 كم چوارگۆشەیە و دەوڵەمندە بە نەوت و گاز.