لیژنەی باڵای بەرەنگاربوونەوەی کۆرۆنا لە هەرێمی کوردستان کۆدەبێتەوە و تەوەری سەرەکی کۆبوونەوەکەش پەرەسەندنی زیاتری ڤایرۆسی کۆرۆنایە.
سبەی چوارشەممە 14.10.2020 لیژنەی باڵای بەرەنگاربوونەوەی کۆرۆنا لە هەرێمی کوردستان بە سەرپەرشتی وەزیری ناوخۆ و ئامادەبوونی وەزیری تەندروستی و هەر چوار پارێزگارەکەی هەرێمی کوردستان کۆدەبێتەوە.
بە پێی راگەیەنراوێکی وەزارەتی ناوخۆ، کۆبوونەوەکە کاژێر ١٠:٣٠ خولەکی بەیانی و لە دیوانی وەزارەتی ناوخۆ بەڕێوەدەچێت، تاوتوێکردنی رەوشی تەندروستی لە ھەرێمی کوردستان و تەشەنەسەندنی پەتای کۆرۆنا و رەوشی پرۆسەی خوێندنە لە قوتابخانە و زانکۆ و پەیمانگاکانی ھەرێمی کوردستان تەوەری سەرەکی کۆبوونەوەکە دەبێت.