دەستەی تەندروستیی بەڕێوەبەرایەتیی خۆسەر لە رۆژئاوای کوردستان رایگەیاند، 21 کەسی تر لە رۆژئاوای کوردستان تووشی ڤایرۆسی کۆرۆنا بوون.
دکتۆر جوان مستەفا، هاوسەرۆکی دەستەی تەندروستیی بەڕێوەبەرایەتیی خۆسەر لە رۆژئاوای کوردستان، ئەمڕۆ یەکشەممە 13.9.2020 ڕایگەیاند “21 کەسی تر لە باکوور و رۆژهەڵاتی سووریا تووشی ڤایرۆسی کۆرۆنا بوون، 8 تووشبوو لە حەسەکە، 5 تووشبوو لە گر کێلەگێ، 4 تووشبوو لە قامشلو، 3 تووشبوو لە دێرک و تووشبوویەکیش لە عامودا”.
هاوسەرۆکی دەستەی تەندروستیی بەڕێوەبەرایەتیی خۆسەر ئاماژەی بەوەشکرد: “11 تووشبووی تری کۆرۆنا لە باکوور و رۆژهەڵاتی سووریا چاکبوونەوە و لە ماوەی 24 کاژێری رابردووشدا هیچ تووشبوویەک گیانی لەدەستنەداوە”.