تائێستا له عێراق حەوت هەزار و دووسه‌د و حه‌فتاو پێنج کەس به كۆرۆنا گیانیان لەدەستداوە
وەزارەتی تەندروستی عێراق رایگەیاند، لە ماوەی ٢٤ کاتژمێری رابردوودا چوار هەزار و ١٤٦ حاڵەتی نوێی توشبوون بە کۆرۆنا و دوو هەزار و ٩٣٤ چاکبوونەوە و ٥١ گیان لەدەستدان تۆمارکراوە.
ئەمڕۆ پێنجشەممە، وەزارەتی تەندروستیی عێراق رایگەیاند: “لە ماوەی ٢٤ کاتژمێری رابردوودا چوار هەزار و ١٤٦ حاڵەتی نوێی توشبوون بە کۆرۆنا تۆمارکراون و لەو ژمارەیەش هەزار و ٥٥٤ حاڵەتیان لە بەغدایە”.
ئەوەشی خستووه‌ته‌ڕوو: “دوو هەزار و ٩٣٤ کەس لە نەخۆشییەکە چاکبوونەتەوە، کە ٩٠٦حاڵەتیان لە بەغدایە، ئەوەش دوای ئەوە دێت، ماوەی چەند رۆژێکە ژمارەی حاڵەتەکانی تووشبوون ڕوویان لە زیادبوون کردووه. ئاماژە بەوەش كراوە، ٥١ کەس بە نەخۆشییەکە گیانیان لەدەستداوە.
بەپێی دوایین ئامارەکان، تا ئێستا ٢٤٢ هەزار و ٢٨٤ کەس لە عێراقدا توشی ڤایرۆسی کۆرۆنا بوون، لەو ژمارەیەش حەوت هەزار و ٢٧٥ کەس گیانیان لەدەستداوە و ١٨٧ هەزار و ٧٥٧ کەسیش لە نەخۆشییەکە چاکبوونەتەوە.