نرخی ئەمپێری موەلیدە بۆ مانگی 8 دیاریکرا
نرخی ئەمپێرێ كارەبای موەلیدە ئەهلییەكان بۆ مانگی ئاب دیاریكرا.
ئەمڕۆ چوارشەممە 2020/9/2 لیژنەی دیاریكردنی نرخی موەلیدە ئەهلییەكان كۆبووەوە، بەپێی نرخی گازوایل نرخی کاتژمێرێک ئەمپێری موەلیدە بە 33سی و سێ دینار بۆ مانگی ئاب دیاریكرا، بە تێكڕایی موەلیدە ئەهلییەكان لە نزیکەی 105 بۆ 120 کاتژمێر كاریان كردووە، بەمەش نرخی ئەمپێرێك كارەبا لە نێوان سێ هەزار و 500 دینار چوار هەزار دیناردا دەبێت.
هەروەها سەبارەت بەبەرنامەی كاركردنی موەلیدە ئەهلییەکان بۆ مانگی ئەیلول، لە هەر كاتێكدا كارەبای نیشتمانی نەبوو، دەبێت موەلیدە ئەهلییەكان كارەبا بۆ هاووڵاتیان دابین بكەن.
هەر لە كۆبونەوەكەدا دووپاتكرایەوە، پێویستە پاش كوژانەوەی كارەبای نیشتمانی 10 خولەك زیاتر بەسەر كارپێكردنی موەلیدە تێنەپەڕێت، بەپێچەوانەوە، سەرپێچیكار (خاوەن موەلیدە) ڕووبەڕووی یاسا دەكرێتەوە.