ئەنجوومەنی ئاسایشی نێودەوڵەتی لە ڕاگەیێنراوێکدا پشتیوانی خۆی بۆ ڕێککەوتنی نێوان حکومەتی سووریا و هێزەکانی سووریای دیموکرات (هەسەدە) دەربڕی. ئەنجوومەنەکە جەختی لە گرنگی پاراستنی مافی کورد وەک بەشێکی ڕەسەن لە گەلی سووریا کردەوە.
وردەکارییەکانی ڕاگەیێنراوەکەی ئەنجوومەنی ئاسایش بەمشێوەیە:
-ئەنجوومەنی ئاسایش داوای لە هەموو لایەنەکان کرد پابەندی بەندەکانی ڕێککەوتنەکە بن.
-پاراستنی هەموو پێکهاتەکانی سووریا، بە تایبەت کورد، لە ئەستۆی حکومەتی سووریایە.
هەڵوێستی ئەنجوومەنی ئاسایش:
-ستایشی مەرسوومەکەی ئەحمەد شەرعی دەکات کە (١٦ی کانوونی دووەمی ٢٠٢٦) دەرچووە بۆ مافەکانی کورد.
-ئاماژە بە دەستپێکردنی پڕۆسەی تێکەڵبوونی هێز و رۆیشتنی حکومەتی سووریا بۆ بنکە سەربازییەکانی حەسەکە و قامیشلۆ، فڕۆکەخانەکان و کێڵگە نەوتییەکان دەکات.
-جەخت لە بەردەوامیی شەڕی دژی داعش دەکاتەوە.
ئەنجوومەنی ئاسایش لە 15 ئەندام پێکدێت، بەرپرسی یەکەمی پاراستنی ئاشتی و ئاسایشی نێودەوڵەتییە. بڕیاری پابەندکردن و دەسەڵاتی سەپاندنی سزا و بەکارهێنانی هێزی هەیە بۆ چارەسەری ناکۆکییەکان.