نێوەڕۆکی کۆبوونەوەی سەرۆک بارزانی و شاندی چوارچێوەی هاوئاهەنگی

سەرۆک مەسعود بارزانی لە کۆبوونەوەی لەگەڵ شاندی چوارچێوەی هاوئاهەنگی لەبارەی پۆستی سەرۆککۆمار جەختی لەوە کردووەتەوە، “سەرۆككۆمار پشكی كوردە و دەبێ میكانیزمێكی دیاریكراو بۆ هەڵبژاردنی دیاری بكرێت و بچەسپێندرێت بۆ ئەوەی هەموو كەڕەتێك پڕۆسەی سیاسی تووشی كێشە نەبێت و بەپێی ئەو میكانیزمانە بەربژێری سەرۆككۆمار هەڵبژێردرێت.”

نێوەڕۆکی کۆبوونەوەی سەرۆک بارزانی لەگەڵ شاندی چوارچێوەی هاوئاهەنگی:

سەرۆك بارزانی لەگەڵ شاندێكی باڵای چوارچێوەی هەماهەنگی كۆبۆوە

ڕۆژی دووشەممە 2ـی شوباتی 2026 لە پیرمام سەرۆك مەسعود بارزانی لەگەڵ شاندێكی باڵای چوارچێوەی هەماهەنگی كۆبۆوە كە پێكهاتبوو لە بەڕێز محەمەد شیاع سودانی سەرۆكی هاوپەیمانیی ئاوەدانكردنەوە و گەشەپێدان و هادی عامری سكرتێری گشتیی ڕێكخراوی بەدر و موحسن مەندەلاوی سەرۆكی هاوپەیمانیی ئەساس و عەباس ڕازی سكرتێری گشتیی چوارچێوەی هەماهەنگی.

لەو كۆبوونەوەیەدا ڕۆشنایی خرایە سەر بارودۆخی سیاسیی عێراق و هەنگاوەكانی ناو پڕۆسەی سیاسی و هەڵبژاردنی سەرۆككۆمار و هەروەها پێكهێنانی حكوومەتی داهاتووی عێراقی فیدڕاڵ.

پەیوەست بە بابەتی سەرۆككۆمار سەرۆك بارزانی جەختی لەوە كردەوە كە سەرۆككۆمار پشكی كوردە و دەبێ میكانیزمێكی دیاریكراو بۆ هەڵبژاردنی دیاری بكرێت و بچەسپێندرێت بۆ ئەوەی هەموو كەڕەتێك پڕۆسەی سیاسی تووشی كێشە نەبێت و بەپێی ئەو میكانیزمانە بەربژێری سەرۆككۆمار هەڵبژێردرێت.

بارودۆخی سیاسی و دوا گۆڕانكارییەكانی سووریا و ناوچەكە بە گشتی و هەماهەنگیی نێوان لایەنە سیاسیەكان تەورەی تری ئەو دیدارە بوون.

جێگەی ئاماژەپێكردنە لەو كۆبوونەوەیەدا نێچیرڤان بارزانی و مەسرور بارزانی جێگرانی سەرۆكی پارتی و ب

فازڵ میرانی بەرپرسی دەستەی كارگێڕیی و هۆشیار زێباری و مەحمود محەمەد و بەڕێز سیداد بارزانی ئەندامانی دەستەی كارگێڕی و فواد حوسێن ئەندامی مەكتەبی سیاسی پارتی دیموكراتی كوردستان ئامادەی بوون.