نرخی کارەبای پڕۆژەی کشتوکاڵی کەم دەکرێتەوە
وەزارەتی كشتوكاڵ و سەرچاوەكانی ئاو كرێی كارەبای بەشێكی پڕۆژە كشتوكاڵیەكانی كەمكردەوە.
ئەمڕۆ سێشەممە 25/8/2020، بێگەرد تاڵەبانی وەزیری كشتوكاڵ و سەرچاوەكانی ئاو و كەمال محەمەد، وەزیری كارەبای حکومەتی هەرێم کۆبوونەوە، لە كۆبوونەوەكەدا گفتوگۆ لەسەر كەمكردنەوەی نرخی كارەبا بۆ پڕۆژە كشتوكاڵیەكان کرا وەك پاڵپشتی لەو كەرتە
ھەروەھا جەخت لە هەماهەنگی نێوان هەردوو وەزارەت کرایەوە، لەپێناو بایەخدان بە كەرتی كشتوكاڵ و لیژنەی هاوبەش بۆ ئاسانكاری لە كەمكردنەوەی نرخی كارەبای پڕۆژە كشتوكاڵیەكان گفتوگۆی لەسەر كرا.
وەزارەتی كارەبا، لەسەر داواکاری وەزارەتی کشتوکاڵ و سەرچاوەکانی ئاو، نرخی كارەبا بۆ پڕۆژە كشتوكاڵیەكان کەمکردەوە، بە جۆرێك نرخی كارەبای بەشێكی پڕۆژە كشتوكاڵیەكان لە 130 دینار كەمكراوەتەوە بۆ 30 دینار.