تەندروستی عێراق: 77 تووشبووی کۆرۆنا گیانیان لە دەستداوە
وه‌زاره‌تی ته‌ندروستی عێراق ئاماری 24 كاتژمێری رابردووی ڤایرۆسی كۆرۆنای بڵاو کردەوە.
به‌گوێره‌ی راگه‌یه‌ندراوێکی وه‌زاره‌تی ته‌ندروستی عێراق، له ماوه‌ی 24 كاتژمێری ڕابردوودا 24 هه‌زار 522 پشکنین کراوە و لەو ژمارەیە 3 هه‌زار و 962 كه‌س تووشی ڤایرۆسەکە بوون.
هەر بەپێی راگه‌یه‌ندراوه‌كه، له‌ماوه‌ی 24 کاتژمێردا 77 كه‌س به‌هۆی ڤایرۆسەکە گیانیان له ده‌ستداوه، هاوكات 3 هه‌زار و 372 حاڵه‌تی چاكبوونه‌وه‌ش راگه‌یه‌ندراوه.
ژمارەی ئەوانەی له سه‌رانسه‌ری عێراق تووشی کۆرۆنا بوون، ژماره‌یان گه‌یشتووەتە 211 هه‌زار و 947 کەس، له‌و ژماره‌یه‌ش 6 هه‌زار و 596 كه‌س گیانیان له ده‌ستداوه و 153 هه‌زار و 761 كه‌سیش به‌ته‌واوی چاك بوونه‌ته‌وه و 51 هه‌زار و 590 كه‌سیش له نه‌خۆشخانه‌كان له‌ژێر چاودێری پزیشكیدان.