کەریم خدر ڕەوانەی نەخۆشخانە کرا
دوای سێ رۆژ بێسەروشوێن بوونی، خدر كەریم سەرۆكی پێشووی شارەوانی ھەڵەبجە دۆزرایەوە.
بەگوێرەی زانیارییەكانی تۆڕی میدیایی باڵکێش، خدر كەریم ھەڵدێراوە، بۆیە بێسەروشوێن بووە، لە دوای دۆزینەوەی بەرەو نەخۆشخانە نێردراوە.
خدر كەریم، سەرۆكی شارەوانی ھەڵەبجە لە رۆژی یەكشەممەی رابردوو 23/8/2020 لە ماڵەكەی چووە دەرەوە و بێسەروشوێن بوو.
لە کاتی بێسەروشوێن بوونیەوە كەسوكاری بۆ سۆراغكردنی بە دوای دا دەگەڕان، ئەمڕۆ سێشەممە 2020/8/25 تیمێكی فڕۆكەوانی پارێزگای سلێمانی بۆ ئەم مەبەستە گەیشتنە ھەڵەبجە و لەگەڵ پۆلیسی پارێزگاکە كێیوماڵی ناوچەكەیان كرد.
بەپێی زانیارییەکانی باڵکێش، خدر كەریم بۆ پشكنینی تەندروستی ڕەوانوی نەخۆشخانە کراوە و دەزگا ئەمنییەكانی ھەڵەبجەش ھیچ لێدوانێكیان لەبارەی ڕووداوەکەوە نەداوە.