شەپۆلێکی باران و بەفر هەرێمی کوردستان دەگرێتەوە
لە ئێوارەى ڕۆژى چوارشەممە، ڕێکەوتى 5/2/2025 کاریگەریی شەپۆلی نزمەپاڵەپەستۆى دەریاى سپیی ناوەڕاست درێژ دەبێتەوە بۆ سەر ناوچەکەمان.
سەرەتا لە ناوچە شاخاوییە بەرز و سنوورییەکان و بەشێک لە ناوچە جیاجیاکان نمەباران دەست پێدەکات، لە کاتەکانى ئێوارە لەگەڵ بەفرێکى کەم لە ناوچە سنوورییەکان.
ڕۆژى پێنجشەممە کاریگەریی ئەم شەپۆلە لەسەر ناوچەکەمان زیاد دەکات و باران لە سەرجەم ناوچەکەمان دەبارێت و ئاستى باران مامناوەند و هەندێ کات لێزمەباران دەبێت و ئەگەرى هەورەتریشقەش هەیە. شەپۆلێکى بەفربارینیش ناوچە سنووری و شاخاوییەکان دەگرێتەوە.
پلەکانى گەرما بە گشتى نزم دەبێتەوە بە (5-7) پلەى سیلیزى و لە ناوچە شاخاوییەکان لە کاتەکانى بەرەبەیان دادەبەزێت بۆ سفر پلەى سیلیزى.
بەرێوەبەرایەتیی گشتیی کەشناسی و بوومەلەرزەزانى/ بەشى پێشبینی