هاوردەکردنی تەماتە قەدەغە کرا
وەزیری كشتوكاڵ و سەرچاوەكانی ئاو، هاوردەكردنی تەماتەی بۆ هەرێمی کوردستان قەدەغەكرد.
لە نووسراوێكدا كە وێنەیەكی گەیشتوەتە تۆڕی میدیایی باڵکێش و واژۆی بێگەرد تاڵەبانی، وەزیری كشتوكاڵ و سەرچاوەكانی ئاوی حكومەتی هەرێمی کوردستانی لەسەرە، بڕیاردراوە بە قەدەغەكردنی هێنانی تەماتە بۆ هەرێم.
بێگەرد تاڵەبانی لەو بارەیەوە رایگەیاند “لەپێناو پاراستنی بەرهەمی جوتیارانی کوردستان لە ئێستادا بەرهەمەکانیان پێ گەیشتووە، بڕیارماندا بە قەدەغەکردنی تەماتە بۆ کاتێکی نادیار”.
