وەزارەتی تەندروستی: 1483 کەس پلازمای خوێنیان بەخشیوە

وەزارەتی تەندروستی ڕاگەیەندراوێکی لەسەر بەخشینی پلازمای خوێن و بەکارھێنانی بۆ تووشبووانی کۆرۆنا بڵاو کردەوە.

ئەمڕۆ دووشەممە 2020/8/24 وەزارەتی تەندروستی حکومەتی ھەرێمی کوردستان ڕاگەیەندراوێکی بڵاو کردەوە و تێیدا ھاتووە، تا ئێستا 2,067 دوو هەزار و شەست و حەوت نەخۆشی کۆڕۆنا پلازمای خوێنی نەخۆشانی چاکبووی کۆڕۆنایان وەرگرتووە.

ھەروەھا وەزارەتی تەندروستی ڕاشیگەیاند، دوای دوو جار بانگەوازی وەزارەتی تەندروستی بۆ ئەو نەخۆشانەی لە کۆڕۆنا چاکبوونەتەوە بۆ بەخشینی پلازما، 1,483 هاوڵاتی دوای چاکبوونەوەیان پلازمایان بەخشیوە.